​Opna íþróttamót Sóta verður haldið helgina 22-23. maí en ekki helgina 15-16. maí eins og áður hafði verið auglýst. Mótið fer fram á hringvelli Sóta. Sóti áskilur sér rétt á að fella niður eða sameina flokka ef ekki er næg þáttaka. Skráning er hafin inn á https://www.sportfengur.com og stendur hún til miðnættis þriðjudaginn 18. maí. Dagskrá og ráslistar auglýst þegar nær dregur.
​
Í boði eru eftirfarandi flokkar:

Um síðastliðna helgi var lokahnykkurinn hjá nemendum á reiðnámskeiði hjá Trausta Þór en þau hafa hist eina helgi í mánuði frá því í febrúar.  Vefstjóri Sóta hitti Trausta og fékk að senda honum nokkrar spurningar. 
​
Hvernig líkar þér við nýju aðstöðuna í Sóta? 
"Hjá Sóta hefur verið byggð reiðhöll við hlið hringvallarins og skeiðbrautarinnar. Þetta þrennt, auk "litla félagsheimilisins" myndar skemmtilega og mjög hagnýta heild til námskeiða-halds, móta og annarrar venjulegrar félags starfsemi. Ég tel að reiðhöllin eigi eftir að reynast Hestamannafélaginu Sóta og félögum mjög áríðandi. 

​Það var ánægjuleg stund í félagsheimili Sóta um daginn þegar nemendur tóku við prófskírteinum vegna Knapamerkja II. Þetta var glæsilegur hópur sem tók við skírteinunum sínum úr hendi kennara síns, henni Friðdóru Friðriksdóttur. Allar stóðu þær sig vel og fengu glimrandi einkunnir í bóklegum og verklegum prófum. Verklega kennslan var haldin í nýju reiðhöllinni hjá Sóta. Framtíðin er björt hjá Sóta með svona öflugum og frábærum ungmennum!

Einn morguninn í síðustu viku þegar leikskólabörn á Álftanesi voru í göngutúr sáu þau að hestar voru að leik út í einu gerðinu.  Kennararnir spurðu leyfis hvort krakkarnir mættu ekki klappa hestunum og var það sjálfsagt mál.  Þau voru svo heppin að þetta voru hestarnir í nr. 6 og Guðmundur Ragnarsson var að koma úr morgunreiðtúrnum. 

​Guðmundur tók vel á móti hópnum (alveg óvænt), sagði þeim frá hestunum og allir fengu að klappa.  Þau borðuðu síðan nestið sitt í brekkunni við hesthúsið og héldu uppá afmæli eins barnsins.  Að sögn kennarana var þetta skemmtilegasti göngutúr sem krakkarnir höfðu farið í.   

Vel gert Guðmundur! 

Mikil ánægja hefur verið hjá nemendum með námskeiðið hjá  Atla Guðmundssyni.  Ákveðið hefur verið að bjóða uppá fjóra tíma,  einu sinni í viku, 30 min í senn til viðbótar þ.e.a.s. frá 8-29 april.  Námskeiðið er fyrir alla skuldlausa Sótafélaga, bæði þá sem hafa verið á námskeiði 1. og þá sem vilja byrja núna.  Skráning er hér á viðburði á Facebook til að byrja með. 
Páskakveðja frá fræðslunefnd 

Elsti hesturinn í Sóta hverfinu er án efa Puntur frá Neðri-Hrepp (IS1991135616) en hann fagnar 30 vetra afmæli nú í vor!  Eigandi hans er Anna Margrét Ingólfsdóttir sem segir hann nokkuð hressan miðað við aldur en ekki jafn búttaðan og áður en hann hefur yfirleitt komið vel undan vetri. Sæunn Ósk, ung systurdóttir Önnu hefur fengið að nota hann og Anna sjálf einnig farið einstaka sinnum á bak í vetur.   En hver er saga Punts?  Gefum Önnu Margréti orðið: 

,,Ég er 33 ára, verð 34 þann 12. maí nk. og fékk Punt í fermingargjöf frá foreldrum mínum eftir að hafa farið í ferð norður til Hólmgeirs frænda míns til að velja hest sem ég ætlaði að kaupa fyrir fermingarpeningana.

Föstudaginn 26 mars kl. 20:00 ætlum við í ferða-og skemmtinefnd að halda pöbbkviss (spurningakeppni) í fína félagshúsinu okkar.  Einnig verður kynning á sumarferðinni sem verður farin 4-6 júní.  Allir Sótafélagar velkomnir! 
​Setjum inn nánari upplýsingar þegar nær dregur.  
ATH:  Frestað um óákveðin tíma vegna COVID

​Laugardaginn 27. mars fara þriðju og síðustu vetrarleikarnir fram og verður að þessu sinni keppt í þrígangi. Keppnin fer fram á hringvelli Sóta. Einn knapi er inn á í einu og hefur hann 2 hringi, 4 langhliðar til þess að sýna 3 gangtegundir, ath. að tölt á hvaða hraða sem er telst sem ein gangtegund, því er ekki hægt að sýna hægt tölt og greitt tölt. Leyfilegt er að sýna 4 gangtegundir og þá gilda 3 hæðstu einkunnir. Búið er að opna fyrir skráningar inn á https://www.sportfengur.com/ og skráningu lýkur á miðnætti miðvikudaginn 24. mars. Keppnin er skráð sem fjórgangur V2 inn á Sportfeng.
Í boði eru eftirfarandi flokkar:

Það var ánægjulegt að fyrsta mótið hjá Sóta 2021 skyldi vera haldið í nýju reiðhöll félagsins! Og mótið gekk alveg glimrandi vel!  Höllin stóðst allar væntingar og mátti sjá aðstandendur keppanda raða sér á nýju bekkina.  Fjölmennustu flokkarnir voru unglinga - og kvennaflokkur.  Dómari var Óli Pétur Gunnarsson og stóð sig með sóma. 
Úrslit urðu þannig:  

Laugardaginn 6. mars fer fram keppni í smala í Reiðhöll Sóta. Smali er keppni í þrautabraut þar sem samspil knapa og hests skiptir miklu máli. Tekið er saman hjá hverju pari fyrir sig, hversu fljót þau eru að klára þrautabrautina með sem fæstar villur. Föstudaginn 5. mars verður þrautabrautin sett upp svo keppendur geti æft sig.
Búið er að opna fyrir skráningu og er síðasti skráningardagurinn miðvikudagurinn 3. mars á miðnætti. Skráning fer fram í gegnum Sportfeng og er þetta skráð sem fjórgangur V1 í kerfinu. Í boði eru eftirfarandi flokkar: