Næstu skref í reiðhöllinni

Vefstjóri hitti Jörund formann Sóta á dögunum og spurði hann frétta af reiðhallarmálum. 
Sp: Hver er staðan á reiðhallarbyggingu í dag?   ,, Nú er steypuvinnu lokið og nefndin vill þakka öllum þeim sem komið hafa að þessu á einhvern hátt kærlega fyrir vel unnin störf.  Næst á dagskrá er að finna verktaka til að reisa húsið og síðan eru Ari og hans menn hjá Loftorku að fara í að fylla sökkulinn og setja efni í botnin.  
Sp:  Hver eru svo næstu skref fyrir okkur sjálfboðaliðana?  

,,Ef allt gengur eftir þá stefnum við á næstu sjálfboðaliðavinnu eftir sumarfrí en þá verður búið að reisa höllina.  Við mætum þá galvösk að innrétta slotið. Ég hlakka svo til, það er svo gaman hvað það hefur gengið vel og við erum svona öll saman.  Þetta hefur bara verið jákvætt og skemmtilegt."  sagði formaðurinn skælbrosandi.  

Það eru svo sannnarlega spennandi tímar framundan hjá litla félaginu Sóta!